آرمی چیف کی تعیناتی پر لندن میں استخارہ نکلوایا جا رہا ہے۔شیخ رشید
 |
| آرمی چیف کی تعیناتی پر لندن میں استخارہ نکلوایا جا رہا ہے۔شیخ رشید |
راولپنڈی(ویب ڈیسک) عوامی مسلم لیگ کے سربراہ شیخ رشید احمد نے کہا ہے کہ عمران خان معجزانہ طور پر بچ گئے لیکن خطرہ ابھی ٹلا نہیں ہے۔سماجی رابطوں کی ویب سائٹ ٹوئٹر پر جاری بیان میں انہوں نے کہا کہ بے اختیار اور فارغ وزیراعظم ایمرجنسی میں4 دن سے لندن بیٹھا ہے۔ آرمی چیف کی تعیناتی پر لندن میں استخارہ نکلوایا جا رہا ہے۔انہوں نے کہا کہ بزدل اور مفرورنواز شریف پاسپورٹ ملنے اور بھائی کے وزراعظم بننے کے باوجود بھی کلین چٹ کا منتظر ہے۔حکومتی اتحاد پر تنقید کرتے ہوئے انہوں نے کہا کہ پی ڈی ایم کٹی ہوئی پتنگ ہے۔ انہوں نے کہا کہ 20 دن ٹی وی نہیں ٹوئٹر پرنظر آو¿ں گا۔سابق وزیر داخلہ کا کہنا تھا کہ حمود الرحمن کمیشن کی رپورٹ مل سکتی ہے ارشدشریف کی پوسٹ مارٹم رپورٹ نہیں۔ عدلیہ بخوبی جانتی ہے کہ ان سے ملک نہیں چل رہا۔ عمران خان معجزانہ طور پہ بچ گئے لیکن خطرہ ٹلا نہیں۔شیخ رشید نے کہا کہ معیشت تباہ، زرمبادلہ کےذخائرکم، نہ گیس نہ پٹرول، تو سرمایہ کاری خاک ہوگی۔ اب مولانا فضل الرحمن کومذہبی کارڈکےلیے آگے کیاہے۔
0 تبصرے