بھائیاں وچ مکال اے جیون جوگیا
بھائیاں وچ مکال اے جیون جوگیا
اجے تاں رَت وی لال اے جیون جوگیا
راگ وچارا ایداں وگڑ گیا اے
نہ کوئی سُر نہ تال اے جیون جوگیا
ایتھے کجھ وی دال دے اندر کالا نہیں
کالی ساری دال اے جیون جوگیا
کرکے عشق کچجا ایس زمانے وچ
جینا ڈھیر کمال اے جیون جوگیا
تیرے ساہویں تیرا خون کھلوتا ای
تیری اکھ وچ وال اے جیون جوگیا
تیرا روپ سلکھنا ویکھ کے پھُلاں نے
پائی رج دھمال اے جیون جوگیا
بندے مار کے جنت نئیوں لبھ سکدی
ایہہ ویری دی چال اے جیون جوگیا
رت ضیاء دی ایہدے منہ نوں لگی اے
ایہہ حاکم دا بال اے جیون جوگیا
ضیاء صابری
0 تبصرے