آپ کی جان بہت قیمتی ہے

سردی کی شدت میں اضافے کے ساتھ ساتھ سموگ نے بھی تیور دکھانا شروع کردیے ہیں اس لیے بچوں اور بوڑھوں کی خصوصی کئیر کریں ان کی خوراک میں خشک میوہ جات کا استعمال شروع کردیں انڈے خود بھی کھائیں اور انہیں بھی کھلائیں جانتا ہوں کہ مہنگائی بہت زیادہ ہے خشک میوہ جات کی قیمتیں آسمان سے باتیں کر رہی ہیں لیکن کوئی بات نہیں آپ بھنے ہوئے چنے دیسی میوہ اور بادام یا مونگ پھلی وغیرہ استعمال کرسکتے ہیں اگر مکس کرلیں تو بہت اچھا ہے ہمارے پیارے دوست حکیم محمد ارشد صاحب شکرگڑھ والے بہت اچھے شاعر ہونے کے ساتھ ساتھ بہت اچھے پروفیشنل حکیم بھی ہیں اور ان کا ساتھ ہمارا بھائی حکیم احمد نعیم ارشد دیتا ہے جو بلاشبہ بہت عمدہ شاعر ہے اور حکیم بھی جو گاہے بگاہے ہمیں ایسے ٹپس دیتے رہتے ہیں جو سستے ہونے کے باوجود پورا کام کرتے ہیں کرنا کچھ اس طرح ہے کہ آپ نے ایک کلو بھنے ہوئے چنے لینے ہیں اور ایک پاو¿ کشمش اور ایک پاو¿ مونگ پھلی لینی ہے چھلکوں کے بغیر ایک پاو¿ ہونی چاہیے ان کو مکس کرکے رکھ لیں اور ایک روٹین میں کھائیں ایک مٹھ روزانہ کھالیں یا زیادہ کھالیں لیکن جتنی خوراک پہلے دن کھائیں روزانہ اتنی مقدار ہی کھانی ہے بہت اچھا نسخہ ہے بے شمار فوائد ہیں سستا بھی ہے اور اچھا بھی ہے دوسرا خیال آپ نے گھرسے باہر نکلتے وقت کرنا ہے اگر پیدل جارہے ہوں تب بھی ناک منہ اور کان ڈھکے ہوئے ہوں پائجامہ ، بوٹ یا جوگر وغیرہ پہنے ہوں جرسی یا جیکٹ وغیرہ پہنی ہو اگر بائک پر جارہے ہیں تو ان تمام چیزوں کے ساتھ ساتھ ہیلمٹ ضرور رکھیں اور گھر سے نکلنے سے پہلے بائک کو سٹارٹ کرکے تسلی کرلیں کہ ہیڈ لائٹ بیک لائٹ اشارے ہارن پراپر کام کررہا ہے اگر سب ٹھیک ہے تو بھی کوشش کریں اگر آپ کا باہر جانا ضروری نہیں ہے تو نہ جائیں اگر جانا بہت ضروری ہے تو ہمیشہ اپنی لائن میں رہیں اور بائک کی سپیڈ بالکل ہلکی رکھیں کیونکہ سموگ کی وجہ سے کچھ نظر نہیں آرہا اگر آ بھی رہا ہے تو بہت کم حد نگاہ صفر تک پنہچ چکی ہے اور آپ بہت قیمتی ہیں اس لیے جتنی احتیاط کرسکتے ہیں ضرور کریں کمسن بچوں کو بائک ہرگز چلانے کی اجازت نہ دیں اور سموگ کے دنوں میں تو بالکل بھی نہیں کیونکہ وہ کبھی بھی اتنی احتیاط نہیں کر سکیں گے جتنی ان دنوں احتیاط کی ضرورت ہے ممکن ہو تو بائک اور گاڑیوں پر پیلے رنگ کے سٹیکر ضرور لگوائیں اور سموگ کے اوقات میں ڈرائیونگ کرتے وقت سموگ لائٹس کا استعمال کریں اسی میں آپ کی بہتری ہے کیونکہ آپ کے ساتھ بہت سارے رشتے وابستہ ہیں جن کے لیے آپ ہی سب کچھ ہیں سو اپنی جان کی حفاظت کیجئیے اپنے لیے اور اپنے اپنوں کے لیے اللہ پاک سب کو حفظ و امان میں رکھے۔آمین

تحریر : یاسین یاس